ARASKI-rekin batera bidaiatuko dugu hurrengo lau denboraldietan
Poz pozik gaude ARASKI taldearen garraio ofiziala izango garela iragartzeko. Hurrengo lau urteetan zehar, ARASKIren neskek, bai harrobiaren baita “Liga Femenina Endesa”-ren jokalariek La Union Autobusen autobusetan egingo dituzte joan etorriak. Horrela, taldearen babesle ofiziala bihurtuko gara.
Autobus berde bat ikusi la duzue azkenaldian? Ziur baietz. Bi hilabete daramatzagu ARASKI-ren kirolariak alde batetik bestera mugitzen haientzat diseinatu berri dugun autobus batean. IVECO PREMIUM modelo bat da, MAGELYS izenekoa. 13 metroko aparteko garraiobidea, 55 toki ditu barne eta segurtasun zein erosotasun sistema puntakoenak ditu. Gainera, 220 V-ko entxufeak dakartza eta baita USB konektoreak ere. Garaipenaren bila erosotasun osoz joan behar dira!
Ilusioz betetzen gaitu gure logoa ARASKI taldearen elastikoetan egotea. Espero dugu amuleto sinboliko bat izatea eta ARASKI taldeari garaipenera gidatzea.
ARASKI AES (Arabako Emakumeen Saskibaloia)
2015/2016-ko denboraldia gogoangarria izan zen ARASKI taldearentzako eta geroztik arrakasta handia lortu dute. Denboraldi horretan mailara gorenera iritsi ziren, eta hurrengo urtean Erreginaren kopa-rako sailkatu ziren eta Emakumezkoen Liga titulua lortzeko Play Off finalerdia jokatu zuten. Hala eta guztiz ere, talde honen helburu garrantzitsuenak kirol-emaitzetatik haratago lortu izan da.
Zergatik? ARASKI AES orain emakumezkoen elkarte bat da, saskibaloia emakumeen artean prestatu eta sustatzeko sortu da. Haien helburuak kirol jarduera bera baino esparru zabalagoan kokatzen dira. Proiektuak emakumeei prestakuntza eskaintzea, garapen pertsonala sustatu nahi du, emakumeen jabekuntzari, lidergoa eta erabakiak hartzeari, erreferenteak sortzeari eta kirolean gizon-emakumezkoen berdintasunari lotutako balioak erakustea dute helburu.
Horrela, ARASKIren asmoa emakumeak protagonista diren proiektu bat osatzen dutela transmititzea eta proiektuan bertan emakumezkoek egiten duten lana eta kirol jarduera aintzat hartzea eta gizartera transmititzea.
Hurrengo estekan ikus dezakezue ARASKI AES taldeari buruzko informazio gehiago.
Hemendik ARASKI-ri eskerrak eman nahi dizkiogu, gugan jartzen duen konfiantzagatik haien joan etorri garrantzitsuenetan eurekin bidaiatzeko. Noski, zorterik onena opa diegu! Bidean haiekin batera izango gara.
Adi bidaiari! Termibus autobus-geltoki berrian arazoak saihesteko gomendioak
Irekitze data: Azaroak 29
Geltoki berriaren ordutegia: 5:45-23:00
“Gure leihatilak itxita dauden bitartean, txartelak aurretik prest izan tornuetatik pasa ahal izateko”
Aldez aurretik informatu dugun bezala, azaroaren 29an abian jarriko da Termibus geltoki berria Bilbon. Hori dela eta, bidaiariek geltokiaren antolaketari buruzko aldaketa batzuei aurre egin beharko izango diote. Aldaketak Bilbotik bidaiatzen duten bidaiariei soilik eragingo diete. Bilbotik Gasteizera, Iruñara edo Altsasura adibidez.
Geltoki berrian, autobus nasetara bertaratzeko, bidaiariek tornu batzuk igaro beharko dituzte. Tornu horietatik pasatzeko txarteletan dagoen QR kode bat erabiliko beharko dute. Sistema berri honekin, behin gure salmenta leihatilak itxita daudenean, bidaiariak aurretiaz tiketak eskuratu beharko ditu nasera sartzeko. Horregatik, zenbait gomendio azaltzen dizkizuegu:
- Leihatilen itxiera ordutik ondorengo bidaietarako, aurretik eskuratu txartelak.
- Erosketa bi moduz egin daiteke: Interneten bidez (komisiorik gabe) bidaia baino 15 minutu lehenago arte eta La Union Autobusen salmenta makinetan.
- Txartela Interneten bidez erosiz gero, smartphonean tiketa izanda edo inprimatuz, QR kodea erabiliz tornuetatik igaro ahal izango duzu.
- Informazio paneletan zure bidaia agertu arte ezin izango zara tornuetatik pasatu eta autobusen nasetara bertaratu. Zure autobusaren irteera azaldu baino lehen tornuetatik pasatzen saiatzen bazara, ezin izango duzu txartela balioztatu.
Bidaide Bonuen Bidaiariak. Adi antolakuntza berriari!
Bidaide Bonuarekin bidaiatzen dutenek ezin dituzte tiketak Interneten bidez erosi (oraingoz). Beraz, txartelak eskuratu behar izango dituzte salmenta makinen bidez edo Gasteiz edo Bilboko leihatiletan. Beraz, gomendio hauek ditugu gure leihatilak itxita daudenean bidaiatzen duten bidaiarientzat.
- Gure leihatilak itxita daudenean bidaiatzen baduzue, ez utzi azken ordurako txartelen erosketa.
- Posiblea bada, erosketa, egun bat arinago egin. Bai salmenta makinen bidez baita gure leihatiletan.
- Zuen bidaiatzeko ordutegia finkoa bada, aste osorako txartelak egun bakar batean eskuratu eta hurrengo egunetarako prest izan.
- Informazio paneletan zure bidaia agertu arte ezin izango zara tornuetatik pasatu eta autobusen nasetara heldu. Zure autobusaren irteera azaldu baino lehen tornuetatik pasatzen saiatzen bazara, ezin izango duzu txartela balioztatu.
Hurrengo estekan aurki dezakezue informazio gehiago Bilboko autobus geltokiari buruz. Sarbideak, eraikinaren xehetasunak, ordutegiak…
Termibus Bilboko geltoki berriaren antolaketari buruzko bidaiarientzako argibideak
Zalantzarik baduzue edo gurekin kontaktatu nahi baduzue, gure web orrialdearen bitartez edo bezeroari arretarako ditugun telefonoetara deituz egin dezakezue. Bilbo: 94 427 11 11. Gasteiz: 945 26 46 26. Iruña: 948 22 17 66.
Berriz ere, Emakumeen Aurkako Indarkeriaren Nazioarteko Egunarekin bat egiten dugu. Eskerrak eman nahi dizkiogu Emakunderi arlo honetan egindako lanagatik
Datorren azaroaren 25ean, astelehena, urte guztiak bezala Emakumeen aurkako indarkeriaren nazioarteko eguna ospatzen da eta mugimendu honekin bat egiten dugu berriz ere, ahalik eta oihartzun handiena lortu nahian gizartean arazo honen inguruan kontzientzia sortzeko.
Urtero bezala, Emakunde erakundeari eskerrak ematen dizkiogu egunero egiten duen lanagatik, emakumeen kontrako indarkeria saihestea eta biktima diren emakumeei arreta egokia eskaini eta koordinatzea dira haien lehentasun nagusiak. Noski, indarkeria mota honen kontra ekiteko berdintasun politiketan lan eginez.
Guztiok egun honek duen oihartzuna handitu eta Emakundek gurekin elkarbanatzen duen informazioa zabaldu behar dugula uste dugu.
Zer egin dezakegu emakumeen aurkako indarkeriari aurre egiteko? Emakumearen Euskal Erakundeak Baliabideen eta Zerbitzuen Gidaliburua argitaratu du egoera hauetan zer egin behar dugun jakiteko. Hurrengo estekan ikusi dezakezue gida PDFn jakiteko zer egin behar dugun:
Zer egin emakumeen aurkako indarkeriari aurre egiteko?
Noski, genero-indarkeriaren biktima den edonork jakin behar du Emakumeen aurkako Indarkeriaren Biktimentzako Telefono bidezko Arreta Zerbitzua eskura duela 24 ordutan 900 840 111 telefono zenbakian.
Gustatuko litzaiguke aurkeztea ere bai Emakundek antolatzen dituen hiru programa. Haien helburuak berdintasunean hezitzea eta indarkeria sexistak saihestea izanda.
Nahiko: Berdintasunez bizitzeko baloreak lantzen dituen hezitze programa da. Horretarako, ikasleak sozializatzen dituzten genero rolen azterketan eta giza eskubideetan oinarritzen da, bereziki eguneroko bizitzan eta harremanetan finkatuz.
Beldur barik: Beldur Barik EAEko instituzioek elkarlanean bultzatuta indarkeria sexista saihesteko gazteei zuzendutako programa da, eta bere helburua da, gazteekin batera hausnarketa eta eztabaida prozesuak sustatzea jendarte eraldaketan laguntzeko.
Gizonduz: Gizonak sexuen arteko berdintasunaren alde kontzientziatzeko eta beren parte-hartzea eta inplikazioa bultzatzeko Eusko Jaurlaritzaren ekimen aitzindaria da eta Emakundek-Emakumearen Euskal Erakundeak sustatzen du.
Ziur aski zuen inguruan hainbat ekintza egingo dira nazioarteko egun honi garrantzia emateko. Animatzen zaituztegu ekintza hauekin bat egitera eta ahal duzuen heinean, ahalik eta oihartzun handiena lortzea egun honetan omentzen den mezuari fabore eginez.
Horrez gain, Informatu nahi dizuegu, emakundek, Berdintasunerako gunean barne, GENERO IKUSPEGIKO LAN OSASUNA ETA SOLDATA ARRAKALA jardunaldia eskainiko duela. Hurrengo estekan ikus dezakezue informazio osoa.
Genero ikuspegiko lan osasuna eta soldata arrakala
Azkenik, animatu nahi zaituztegu baita puntu lila deskargatzera eta publikoki erakustera emakumeen aurkako indarkeriaren sinbolotzat. Puntua deskargatu dezakezue Emakunderen web orrialdean hurrengo estekan:
Termibus Bilboko geltoki berriaren antolaketari buruzko bidaiarientzako argibideak
Hasiera: 2019ko azaroak 29
Geltoki berriaren helbidea: Gurtubai kalea, 1. 48013-BILBO
Geltokiaren ordutegia: 06:00-23:00
- Bidaiarientzako sarbidea:
- Bilboko Metroa: Sarbide zuzena San Mameseko metro-geltokitik (Termibuseko irteeratik) -1 solairura. Bertan, lehiatileen eta salmenta makinen gunea eta kafetegia daude.
- Renfe eta aldiriak: Sarbide zuzena -1 solairura. Bertan, lehiatileen eta salmenta makinen gunea eta kafetegia daude.
- Oinez: Sarbidea Perez Galdos kalean eta irteera Gurtubai kaleko 0 solairutik
- Autoz: aparkalekua 3. solairuan
- Eraikinaren azalpena
- 0 SOLAIRUA: Oinezkoentzako sarbidea kaletik
- -1 SOLAIRUA edo solairuartekoa: Leihatilak, txartelak saltzeko makinak, autobusetara igotzeari buruzko argibideen pantailak (irteerak eta etorrerak), taberna, kontsignak, bulegoak, eremu komertziala, metroaren sarbidea, eremu logistikoa, instalakuntzak. Solairu honetan balioztagailuak daude (bidaia txartela balioztatzeko balio dute metroan daudenen antzera). Horietatik igarota bidaiariak -2 solairuan dauden autobus nasetara sartzen dira.
- -2 SOLAIRUA: nasak eta itxaron eremuak (soilik berehala irtetea programatuta duten bidaiarientzat). Eremu honetara sartuko dira soilik edozein enpresatako autobusez bidaiatzeko txartela dutenak. Horretarako, bidaiariek QR kodea daukan txartelarekin igaro behar dute -1 solairuko balioztagailuetatik.
- -3 SOLAIRUA: autoen aparkalekuak.
- -4 SOLAIRUA: autoen aparkalekuak.
- UNION AUTOBUSAK eta BURUNDESA enpresen bidaiarientzako jarraibideak
Geltoki berria irekiko denetik, enpresa hauek baimentutako baliabideen bitartez ateratako txartel guztietan QR KODEA agertu behar da, nasetara sartzeko balioztagailuetatik igarotzeko ezinbestekoa. Ezin da nasara sartu txartelik gabe (salbu 06:00etan irteten duen autobusera igotzeko edo geltokia itxita dagoenean ez bada).
- UNION/BURUNDESA leihatila, -1 solairua. Ordutegiak: astelehenetik ostiralera, 06:15etik 20:45era; larunbatetan, 09:30etik 13:00etara eta 15:00etatik 21:00etara; Igandeetan, 10:00etatik 12:30era eta 15:30etik 21:30era.
- UNION AUTOBUSAK eta BURUNDESA enpresen autosalmentako makinak: 3 makina, -1 solairuan, sarrerako eskailera mekanikoen ondoan.
- Internet: autobuseslaunion.com eta www.laburundesa.com Interneten bidezko salmentarako webguneetan bidaia txartelen salmentan EZ DAGO BIDAIARIENTZAKO KOMISIORIK. Horietara sartu daiteke edozein telefono mugikorretik eta bidaia hasi baino 15 lehenago amaitzen da txartelak erosteko aukera.
- Gasteizera goizeko 06:00etan ateratzen den autobusa hartzeko gaueko sarreratik joan behar izan dute bidaiariek. Soilik autobus hori hartzeko bidaiariek ez dute balioztagailuetatik igaro behar izango. Hala, bidaia txartela autobusean bertan erosi ahal izango dute edo, hala nahiago badute, aldez aurretik salmentarako dauden beste bitartekoetan.
Leihatila itxita dagoenean, bidaiariak geltokiko autosalmentarako makinak erabili ahal izango ditu txartela erosteko edo, aukeran, gure webguneak: www.autobuseslaunion.com edo www.laburundesa.com
ARABAKO FORU ALDUNDIAREN ALAVABUS LINEAK: GAUEKO GERALEKUAK
Martxoaren 2an indarrean hasi zen Arabako Lurralde Historikoan Bidaiariak Garraiatzeko Zerbitzuei buruzko Araudi berria. Horren arabera, ordezko hainbat lekutan autobusa gelditzeko aukera eskaintzen zaie emakumeei eta adingabekoei Alavabuseko lineetan, betiere zenbait baldintza betetzen badira, behean zehaztu bezala.
Hona hemen geralekuen zerrenda: : http://www.araba.eus/alavabus/
Baldintzak:
Aurreikusita dago autobusetik berer-beregi “geraleku erregulartzak” hartutakoez bestelako gune batzuetan jaitsi ahal izatea, baldin eta baldintza hauek guzti-guztiak betetzen badira:
a)Arabako Foru Aldundiak linea erregular bakoitzerako “eskaeraren araberako geraleku” izendatutako guneetako bat izatea. Horiek Zerbitzuen Arautegiko Eranskin honetan adierazten dira.
b) Eskaeraren araberako geraleku batean jaisteko aukera honako hauek baino ez dute izango, autobusean santzean gidariari hala eskatzen badiote:
. Bakarrik badaiatzen diren emakumeek, edo ekarrekin bidaiatzen diren emakumeek, bakarrik bidaiatzen adingabeek, edo elkarrekin bidaiatzen diren adingabeek, adingabeekin bidaiatzen diren emakumeek
c)beren ibilbidea ordutegi eta data hauetan haten diren bidaietan baino ez dira eskatu ahal izango “eskaeraren araberako geralekuak”, 18:30etik aurrera azaroaren 1etik martxoaren 31ra bitartean, 21:00etatik aurrera apirilaren 1etik urriaren 31ra bitartean.
Informazio telefonoak 945 18 18 18 www.araba.eus
945 26 46 26 www.autobuseslaunion.com
Hurrengo estekan ikus dezakezue ahalako gauezko geralekuei buruzko informazio osoa:
Union autobusak eraso matxistarik gabeko gunea!
2016an, eremu publikoetan jazarritako emakumeen %21,6 garraio publikoan bidaiatzean jasan zuten erasoa eta %19, berriz, gaueko aisiarako guneetan gertatu zen, Indarkeria Matxistari buruzko 2016ko Inkestaren arabera.
Garraio publikoan izandako eraso matxistak, besteak beste, ukituak, urratuak eta gorputz-atal intimoen erakustaldiak izan dira. Eraso arinetan oso salaketa gutxi aurkezten dira.
Unionetan horren jakitunak garenez, garraioan eta lan egiten dugun lekuetan emakumeek jasaten dituzten jarrera eta jokabide matxistei aurre egiteko kanpaina bat jarri dugu abian.
Union autobusak eraso matxistarik gabeko gunea! da azaroaren 11tik 17ra arteko astean eta hilean behin une jakinetan zabalduko den kanpainaren leloa.Gizonezko erasotzaileei zuzendutako neurria da, horiek sentsibilizatzeko asmoz.
Abiapuntu honetatik aurrera, lanean jarraituko dugu jarduera protokolo bat prestatzu, horrelako jokabideak agertzen direnerako berariazko tresna eta jarduerekin.
Momentuz, bidaiatzen ari direnean gure autobusetan jazarritakoek geltokietako langileengana jo ahal izango dute, edo bezeroaren arretarako telefonoetako batean gertatutakoaren berri eman. Gainera, bidaiarietako batek berak dioena baieztatzen badu, gidariari jakinarazi ahal izango dio, honek, erasoa jasan duen bidaiariaren baimenarekin, barruko protokoloak zehaztutakoa egin dezan.
Neurri hori bidegabeko jarrerak salatzeko eta gizalegezko jokabidea sustatzeko azmoz Union autobusak abian jarritako kanpainaren barruan dago.
Unionetan kalitatezko zerbitzu publikoa emateko konpromisoa dugu eta, kanpaina berri honekin, indarkeriazko egoerak eta gizalegearen kontrako jokabideak ekidin nahi ditugu.
Halaber, eskerrak eman nahi dizkiegu gizalegearen aurkako egoerak salatzen lagundu duten bidaiariei, izan ere, haien jokabideari esker, arazoak ez dira larriagotu.
2019 BIME LIVE. Udazken musika jaialdira hurbilduko zara?
Nork esan zuen musika-jaialdiak udarako zirela soilik? Bilbon, hain zuzen ere Barakaldoko BEC-ean, azaroaren 1ean eta 2an izango dugu BIME LIVE. Udazkenaren jaialdi indoor handiena da, eta nazioarteko artista desberdinak biltzen dira eremu berean.
Gainera, ekitaldiaren aurreko egunetan, urriaren 30ean eta 31an, BIME festibala BEC-tik irtengo da eta Bilboko kaleak musikaz eta jarduerekin beteko dira. Beraz, Bilbo egun horietan nazio eta nazioartekoa talentu nabarmenekin bat egingo du. Honela, hiriko areto nagusiek doako emanaldi desberdinak eskainiko dituzte BIME-a publiko guztietara eraman ahal izateko. Hurrengo loturan programa osoa aurki dezakezue:
BIME-az hitz egiten jarraituko dugu orain. Kartelean ikusi dezakezuenez, publiko guztietarako musika aurki dezakegu barne, FOALS-a, KRAFTWERK-a 3D eta JAMIROQUAI-a asteburuko kartel buruak izango dira. Esan dugun bezala, gustu guztietarako lekua egongo da jaialdian. Goxo Espazioa izeneko gunea egongo da ere bai. Barne trap modernoena, R&B, hip hop, dancehall eta reggaeton biltzen duen klub txikiarekin. Dena noski, jaialdi orokorraren barnean. Joan den urtean harrera handia izan zuen publikoaren artean, eta aurten, hiri-musika unearen artista nabarmenekin kontatuko du.
Gainera, bertaratuak, BEC-ean bertan lo egin ahal izango dute. Publiko bai internazionala bai nazionala espero da, beraz, errazagoa izango da haientzat bertan lo egin ahal izatea. Hurrengo aukerak izango dituzte: kanping-a, Glamping-a eta erosotasun osoak dituzten “kapsula” batzuk. Hurrengo estekan festibalari buruzko informazio osoa aurki dezakezue.
BIME-a LIVE-a web orri ofiziala
Nola hurbilduko zarete jaialdira? Gure autobus zerbitzuak erabili ditzakezue edozein lekutik etorrita. Hurrengo estekan kontsulta ditzakezue gure autobusen ordutegiak.
Beharbada talde handia izango zarete eta komeni zaizue taldearentzat autobus bat alokatzea. Hurrengo estekan aurki dezakezue gure autobus alokairu zerbitzuaren informazio osoa.
AR 02 Aiaraldea L/16 Artziniega-Laudio-Okondo 2019ko urriak 26: LAUDIOKO XXXI. ZIKLOKROSSA
Laudioko XXXI. Ziklokrossa dela eta, urriaren 26an, Laudiotik Okondorako autobusen eta Okondotik Amurriorakoen ibilbideetan aldaketak egongo dira:
|
||||||||||||||||||||||
| Informazio-telefonoak: 945 26 46 26 eta 94 427 11 11 | Teléfonos de información 945 26 46 26 y 94 427 11 11 | |||||||||||||||||||||
Bilbao Night Marathon 2019. Festara hurbildu zaitez gurekin
Hurrengo larunbatean Bilbao Night Marathon izango da Bilbon, Bizkaiko running-aren festa handia. Errepide lasterketen artean, egutegi nazionalean gauez egiten den lasterketa bakarra da. Bertan, bost kontinenteetako eta 50 herrialde baino gehiagoko korrikalariek parte hartuko dute. Gainera, kirol proba ez da jai honen osagai bakarra, Bilboko kaleetan zehar, su artifizialak eta zuzeneko ekitaldiak izango dira hiriaren kaleetan.
Irteera ordua San Mames zelaian izango da 19:00-etan eta Guggenheim Museoan izango du bukaera. Kirol proba honek, hiriko hainbat leku garrantzitsu zeharkatuko ditu, eraikin esanguratsuenak, kaleak, antzokiak, etab. Horrez gain, prestakuntza ezberdina duten korrikalariek parte hartzeko aukera izango dute, distantzia desberdinetakoko hiru lasterketa egongo direlako. Maratoia (42 km), Maratoi erdia (21 km) eta pirata lasterketa (10 km).
Izen emateak agortuta daude jadanik eta aurten pasadan urtean baino mila pertsona gehiagok hartuko dute parte, 13.400 korrikalariek alegia. Gainera, iaz baino neska gehiago parte hartuko dute. 1.600 emakume maratoian, 1.000 maratoi erdian eta 3.000 inguru pirata lasterketan. Guztira 5.700 parte hartzaile guztien erdia.
Lasterketarako dortsalak La Casilla polikiroldegian hartu batu beharko dira bertan egongo den azokan, 18an, ostiralean, 15:00etatik 21:00ra edo 19an, goizeko 9:30etatik 18:30ra. Zuen dortsala eskuratu ahal izateko NAN edo pasaportea erakutsi beharko da inskripzioaren agiriarekin batera. Parte hartzaile batek La Casillara froga baino lehen bertaratzeko eragozpenik izanez gero, beste pertsona batek batu dezake dortsala dokumentazio osoa erakutsiz.
Egun hauetan Bilbora bertaratzeko gogoratu ezazue gure autobus zerbitzuak erabili ahal dituzuela. Hurrengo estekan kontsulta ditzakezue gure autobusen ordutegiak:
Beste urte batez, 2019 Mugikortasunaren Aste Europarrarekin bat
Ahal duzun guztietan, garraio publikoa erabil ezazu
Hirian mugitzeko aukera ekologikoena autobusa da. Igortzen den gas kantitatea askoz txikiagoa da eta gainera, kotxearen erabilera masiboak hiria geldiarazten du eta zikinago eta zaratatsuago bilakatzen du. Horrez gain, autobusa erabiltzea merkeagoa da kotxe pribatua baino.
Beste urte batez, 2019 Mugikortasunaren Aste Europarrarekin bat
Urtero legez Mugikortasunaren Aste Europarrarekin bat egiten dugu, guztiok batera garapen iraunkorra lortzeko jardunean. Bai Bilbon bai Gasteizen, hainbat ekintza jarriko dira martxan bai gazteenak bai helduenak parte hartu dezaten eta ingurugiroarekiko errespetua sustatzeko. Aurten ekintzak irailaren 16etik 22ra egingo dira.
Beti bezala, aurtengo astea gai zehatz bat azpimarratzen du. Bizikletan eta oinez ziurtasunez ibiltzearen garrantzia hain zuzen ere. Gainera, honek gure osasunerako eta planetaren osasunerako duen garrantzia ere azpimarratzen du. Gure ekonomian ere eragin positiboa izango du honek, joan etorrietan diru asko aurreztuko baitugu. Aurtengo Mugikortasun Aste Europarraren lema “Walk with us” (Gurekin ibili) izango da.
Frogatu egin da ibiltzea eta bizikletan joatea bultzatzen duten hiriak erakargarriagoak direla kotxearen erabilera bultzatzen dutenak baino, auto ilara gutxiago eta bizitza kalitate hobea baitute.
Bilboko ekitaldien artean, 22an izango den bizikleta-ibilaldia nabarmentzen da beste urteetan bezala. 10.000 pausuko ibilaldiaren egun berean 6km-ko ibilbidea, alegia. Horrela, ibiltzeak eta bizikleta erabiltzeak gure bizitzan daukan garrantzia azpimarratuko da. Noski, Beste hainbat ekimen eta intereseko hitzaldiak egongo dira ikusgai. Gainera, 21etik 23ra Ripa kaian mugikortasunaren azoka izango dugu. Bertan orain dauden ibilgailu jasangarrienak izango ditugu ikusgai.
Ekintza hauek azpimarratu ditugu baina astean zehar askoz gehiago egongo dira. Hurrengo estekan Bilboko Mugikortasunaren Aste Europarraren programa osoa ikus dezakezue.
Bilboko Mugikortasunaren Aste Europarraren programa
Mugikortasunaren Aste Europarra Gasteizen
Edizio honen helburua herritarrak kontzientziatzea ibilgailu pribatuaren erabilera murrizteko premiaz eta joan-etorriak modu iraunkorragoan egiteko alde jardutea, hala nola garraio publikoaren eta bizikletaren alde.
Aurten, berritasun bezala, Birjina Zuriaren plazan Scape room bat egongo da “Mobility Room” izenpean. Gela honetan, erronka batzuk aurkeztuko dira, hirian barrena mugitzeko eskura ditugun alternatiba jasangarriak modu dibertigarrian ikasi ahal izateko.
Gainera, aste osoan zehar, lanera joateko garraio jasangarria sustatuko da. Gasteizko hainbat enpresek euren egoitzetara bertaratzeko garraio iraunkor motak ahalbidetuko dituzte langileen joan etorriak egiteko. Langile hauen testigantzak udalaren webgunean argitaratukok dira. Hurrengo estekan ikus dezakezue kapital berdean egingo diren ekintzei buruzko informazio gehiago.